कास्कीमा ५ प्रतिशत मत बदर

गण्डकी– कास्कीमा प्रतिनिधिसभा तथा प्रदेशसभा निर्वाचनमा करिब ५ प्रतिशत मत बदर भएको छ। तीन निर्वाचन क्षेत्र रहेको कास्कीमा २ लाख ९१ हजार ५६८ मतदाता रहेकामा प्रतिनिधिसभा सदस्यका लागि प्रत्यक्षतर्फ १ लाख ७८ हजार ८०६ मत खसेकोे थियो।

त्यसमध्ये सदर मत १ लाख ७० हजार ३४४ र बदर मत ८ हजार ४६४ रहेको प्रदेश निर्वाचन कार्यालय पोखराका सूचना अधिकारी रुद्र न्यौपानेले बताए।

त्यस्तै, प्रतिनिधिसभाको समानुपातिकतर्फ तीन वटै निर्वाचन क्षेत्रमा गरी ६ हजार ७३८ मत बदर भएको छ। जिल्लाको प्रदेशसभा निर्वाचनमा प्रत्यक्षतर्फ ६ हजार २० मत बदर भएको छ भने समानुपातिकतर्फ १० हजार ३८५ मत बदर भएको छ।–रासस