सुनसरी ४ को मतगणना आजबाट पुन: सुरु गर्ने तयारी

काठमाडौं- निर्वाचन आयोगले सुनसरी-४ मा स्थगित मतगणना सुरु गर्न निर्देशन दिएसँगै मतगणना आजबाट सुरु हुने भएको छ।

शनिबारदेखि स्थगित भएको मतगणना सर्वदलीय बैठक बसेर सुरु गर्ने तयारी गरिएको छ। 

सुनसरी-४ मा कांग्रेसबाट उम्मेदवार बनेका सञ्चारमन्त्री समेत रहेका ज्ञानेन्द्रबहादुर कार्कीले ६०६ मत गडबड भएपछि पुनः मतगणनाको माग गर्दै आयोगमा निवेदन दिएका थिए। तर, आयोगले पुनः मतगणना नभइ अहिलेसम्म गणना भएको बाहेक बाँकी मत गणना गर्न निर्देशन दिएको छ। 

अहिलेसम्म ६० हजार बढी मतगणना हुँदा नेकपा एमालेका जगदीशप्रसाद कुसियतभन्दा  कार्कीले ९८ मतले अगाडि छन्।