सुनसरी-४ मा मतगणना स्थगित

इनरुवा- सुनसरी-४ मा मतगणना रोकिएको छ। शनिबार साँझ ६:१५ बजेदेखि गणना रोकिएको हो। 

गणनाका विषयमा दलहरूबीच विवाद हुँदा गणना रोकिएको मुख्य निर्वाचन अधिकृतको कार्यालयले जानकरी दिएको छ। दलहरूबीचको विवादले गणना कार्य सहज नभएको कार्यालयको भनाइ  छ। 

सुनसरी-४ मा प्रतिनिधि सभा तथा प्रदेश सभाका दुवै क्षेत्रको गणना रोकिएको हो। दुवै सभाका प्रत्यक्ष तथा समानुपातिकतर्फको मतगणना अघि बढेको छैन। 

कांग्रेसले धाँधली भएको आरोप लगाएको छ। उक्त क्षेत्रमा सञ्चार तथा सूचना प्रविधिमन्त्री ज्ञानेन्द्रबहादुर कार्की चुनावी मैदानमा छन्। एमालेका जगदिशप्रसाद कुसियैत र कार्कीको कडा प्रतिस्पर्धा छ। 

कार्यालयले पछिल्लो पटक अद्यावधिक गरेको गणनाको प्रगति विवरण अुनसार कार्कीले २३ हजार ४३९ मत पाउँदा कुसियैतले २३ हजार ३४१ मत पाएका छन्।