नेकपा माओवादी केन्द्र समानुपातिकतर्फ तेस्रो स्थानमा उक्लियो

काठमाडौं– नेकपा माओवादी केन्द्र प्रतिनिधिसभाको समानुपातिकतर्फ तेस्रो स्थानमा उक्लिएको छ। राष्ट्रिय स्वतन्त्र पार्टीलाई उछिन्दै माओवादी केन्द्रले तेस्रो स्थान बनाएको हो। राष्ट्रिय स्वतन्त्र पार्टी समानुपातिकतर्फ चौथो स्थानमा पुगेको छ।

पछिल्लो मतगणना विवरणअनुसार नेकपा एमाले १८ लाख ९६ हजार ७३१ मतसहित शीर्ष स्थानमा छ भने नेपाली कांग्रेस १८ लाख २९ हजार ७९१ मतसहित दोस्रो स्थानमा रहेको छ।

तेस्रो स्थानमा रहेको नेकपा माओवादी केन्द्रले ८ लाख १ हजार ५२४ मत पाएको छ। चौथो स्थानमा रहेको राष्ट्रिय स्वतन्त्र पार्टीले ७ लाख ९९ हजार ३२० मत पाएको छ। पाँचौं स्थानमा रहेको राप्रपाले ४ लाख १० हजार ६८० मत पाएको छ।