बाजुराको​​​​​​​ बुढीनन्दामा आज मतदान हुने

काठमाडौं- मंसिर ४ गते मतदान स्थगित भएको बुढीनन्दा नगरपालिका वडा नम्बर ५ शनिबार पुन: मतदान हुने भएको छ।

मुख्य निर्वाचन अधिकृत ढाकाराम पौडेलले मतदानको सम्पूर्ण तयारी पूरा भएको बताएका छन्। बिहीबार नै मतदान अधिकृत र सुरक्षाकर्मीको टोली पुगिसकेको र सर्वदलीय बैठकपछि सौहार्दपूर्ण वातावरण रहेको उनले बताए। 

मतदानका लागि सुरक्षा व्यवस्था कडा पारिएको छ। नेपाल प्रहरी र सशस्त्र प्रहरीका एसपी खटाइएको पौडेलले बताए।

यहाँ निर्वाचनका क्रममा भएको हिंसात्मक घटनाको अध्ययन गर्न राष्ट्रिय मानव अधिकार आयोगको टोली खटिएको छ। मतदानको दिन झडपमा परेर यहाँ दुईजनाको मृत्यु र एक प्रहरीसहित चारजना घाइते भएका थिए।