सुजाता कोइरालालाई हराउँदै मोरङ-१ मा एमालेका पोखरेल विजयी

मोरङ- मोरङ-२ मा नेपाली कांग्रेसकी सुजाता कोइरालालाई हराउँदै एमालेका ऋषिकेश पोखरेल निर्वाचित भएका छन्। कोइरालालाई १ हजार २०८ मतले पछि पार्दै पोखरेल प्रतिनिधिसभा सदस्यमा विजयी भएका हुन्। 

पोखरेल ३३ हजार १४८ मत पाएर विजयी हुँदा कोइरालाले ३१ हजार ९४० मत पाइन्। सुजाताका पिता कांग्रेसका सभापतिसमेत रहिसकेका पूर्वप्रधानमन्त्री स्व गिरिजाप्रसाद कोइराला यही क्षेत्रबाट लगातार तीन पटक निर्वाचित भएका थिए। 

पाखरेल २०७० को संविधान सभा सदस्यमा निर्वाचित भएका थिए। २०७४ को प्रतिनिधि सभा निर्वाचनमा भने कांग्रेसका मिनेन्द्र रिजालले उनलाई पराजित गरेका थिए। डा शेखर कोइराला समूहमा सक्रिय भएपछि सभापति देउवाले रिजाललाई टिकट नदिएर सुजातालाई अगाडि सारेका थिए। पोखरेल मोरङ एमाले अध्यक्षको दोस्रो कार्यकालमा छन्।