मोरङ ४ बाट माओवादीका अमनलाल मोदी निर्वाचित

मोरङ- मोरङको क्षेत्र ४ मा प्रतिनिधि सभातर्फ एमालेका नेता विनोद ढकाललाई पराजित गर्दै माओवादी केन्द्रका नेता अमनलाल मोदी निर्वाचित भएका छन्। सार्वजनिक अन्तिम मतपरिणाम अनुसार मोदीले ३० हजार ६१२ मतका साथ बाजी मारेका हुन्।

उनका प्रतिस्पर्धी नेकपा एमालेका नेता विनोद ढकालले २४ हजार ४६३ मत मात्रै ल्याएका छन्। तेस्रो भएका राप्रपाका रवि रजिलाले ७ हजार ४ सय ६८ मत पाए।

क्षेत्र नं. ४ मा १ लाख १० हजार ९३ मतदाता मध्ये ७४ हजार ७४४ मत खसेको थियो। ६ हजार १४९ हजार मतअन्तरले मोदीले जित निकालेका हुन्। योसंगै मोदी तेस्रो पटक संसदको ढोका खोल्न सफल भएका छन्।