सप्तरी-३ मा कांग्रेसका यादव विजयी

राजविराज- सप्तरी-३ मा नेपाली कांग्रेसका दिनेशकुमार यादव विजयी भएका छन्। एमालेका ताराकान्त चौधरीलाई पराजित गर्दै यादव प्रतिनिधि सभा सदस्यमा निर्वाचित भएका हुन्। 

विजयी यादवले २६ हजार १६६ मत प्राप्त गर्दा उपविजेता चौधरीले २२ हजार ३०० मत पाए। जनमत पार्टीका अनिश अन्सारीले १५ हजार ११४ मत पाए। 

२०७४ को निर्वाचनमा यादव र चौधरी दुवै पराजित भएका थिए। २२ हजार ५८४ मत प्राप्त गरी तत्कालीन राजपाका चन्द्रकान्त चौधरी विजयी हुँदा दिनेशले १९ हजार ४०१ र ताराकान्तले ११ हजार १८८ मत पाएका थिए।