मकवानपुर १ मा राप्रपाका दीपकबहादुर सिंह निर्वाचित

मकवानपुर- प्रतिनिधिसभा निर्वाचनअन्तर्गत मकवानपुर क्षेत्र नम्बर १ मा राप्रपाका दिपकबहादुर सिंह निर्वाचित भएका छन्। 

सत्तारुढ गठबन्धन र एमाले–राप्रपा नेपालको गठबन्धनका उम्मे‍दवारहरूलाई पराजित पार्दै जित हासिल गरेका हुन्।

सिंह २७ हजार ८१६ मतसहित निर्वाचित भएका हुन्। उनका निकटतम प्रतिस्पर्धी नेपाली कांग्रेसकी महालक्ष्मी उपाध्याय (डिना) ले २५ हजार ४३४ मत प्राप्त गरिन्।

सोही क्षेत्रमा एमालेको चुनाव चिह्न लिएर उम्मेदवार बनेका राप्रपा नेपालका अध्यक्ष कमल थापाले २५ हजार ४२० मत प्राप्त गरे।

सिंह गत वैशाखमा सम्पन्न स्थानीय तह निर्वाचनमा हेटौंडा उपमहानगरपालिकाको प्रमुखमा उम्मेदवार बनेर पराजित भएका थिए।