डडेलधुरा प्रदेशसभा (२) मा कांग्रेसलाई पराजित गर्दै स्वतन्त्र उम्मेदवार निर्वाचित

डडेलधुरा- प्रधानमन्त्री तथा नेपाली कांग्रेसका सभापति शेरबहादुर देउवाको गृह जिल्लामा प्रदेशसभा निर्वाचन क्षेत्र १ (२) बाट स्वतन्त्र उम्मेदवार निर्वाचित भएका छन्। उनले कांग्रेसकै उम्मेदवारलाई पराजित गरेका हुन्। 

स्वतन्त्र उम्मेदवार डा. ताराप्रसाद जोशी ११ हजार १७० मतसहित प्रदेशसभा सदस्यमा निर्वाचित भए। उनले बाम लोकतान्त्रिक गठबन्धनको तर्फबाट उम्मेदवार बनेका कांग्रेसका गोविन्दराज बोहरालाई ४८० मतान्तरले पराजित गरे। बोहोराले १० हजार ९७० मत पाए।

बोहोरा सुदूरपश्चिम प्रदेश सरकारका बहालवाला सामाजिक विकासमन्त्री समेत हुन्। नेकपा एमालेका उम्मेदवार गजेन्द्र बहादुर शाहीले भने १ हजार ५३५ मत प्राप्त गरेका छन्।