काठमाडौं- प्रदेश र प्रतिनिधिसभाको मतगणना चार दिनभित्र सक्ने तयारी गरेको छ। पुन: निर्वाचन हुने र मत गणना हुन बाँकी रहेको क्षेत्रबाहेकको मतगणना सोमबार बेलुकासम्म सक्ने तयारीअनुसार काम भइरहेको आयोगका सहायक प्रवक्ता कमल भट्टराईले जानकारी दिए।
दोलखा, स्याङ्जा र बाजुरामा निर्वाचन भएपनि विवादको कारण मत गणना सुरु हुन सकेको छैन। चाँडो नतिजा ल्याउनका लागि एउटा निर्वाचन क्षेत्रको मत गणना ५ वटासम्म टोली बनाएर गणना भइरहेको उनले बताए।
प्रतिनिधि सभा तथा प्रदेश सभा सदस्य निर्वाचनको १६५ वटै निर्वाचन क्षेत्रको मतपेटिका मतगणनास्थलमा पुर्याइएको आयोगले जनाएको छ।