मतगणना स्थल नजिकै खुकुरी प्रहार : एक युवकको मृत्यु, महिला घाइते

बुटवल- पश्चिम नवलपरासी क्षेत्र नम्बर १ को मतगणना भइरहेको बर्दघाट नगरपालिका नजिकै मंगलबार राति एक युवकको खुकुरी प्रहारबाट हत्या गएको छ। आक्रमणमा परी एक महिला घाइते भएकी छन्।

मृतक, घाइते र खुकुरी प्रहार गर्ने व्यक्तिको पहिचान खुल्न नसकेको प्रहरीले जनाएको छ। इलाका प्रहरी कार्यालय बर्दघाट प्रहरीका अनुसार खुकुरी प्रहार गरिएका करिब ४५/४५ वर्षका युवक रहेका छन्। उनको घटनास्थलमै मृत्यु भएको थियो। घाइते भएकी सोही उमेरकी महिलालाई गम्भीर अवस्थामा उपचारका लागि अस्पताल पठाइएको छ।

इलाका प्रहरी कार्यालय बर्दघाटले घटनाको अनुसन्धान गरिरहेको जनाएको छ। घटना घटेको स्थानमा गैडाकोट लेखेका केही कार्ड भेटिए पनि अरू केही खुलेको छैन। मतगणनास्थलबाट करिब एक सय मिटरको दूरीमा उक्त घटना घटेको प्रहरीले जनाएको छ।