काठमाडौं–९ मा एमालेका कृष्णगोपाल श्रेष्ठको ह्याट्रिक

काठमाडौं– काठमाडौं क्षेत्र–९ बाट नेकपा एमालेका कृष्णगोपाल श्रेष्ठ प्रतिनिधिसभा सदस्यमा निर्वाचित भएका छन्। श्रेष्ठले ११ हजार ९५६ मत प्राप्त गर्दै निर्वाचित भएका हुन्।

श्रेष्ठले प्रतिनिधिसभामा योसहित चौथो जित निकालेका हुन्। श्रेष्ठका निकटतम प्रतिद्वन्द्वी राष्ट्रिय स्वतन्त्र पार्टीका टेकबहादुर पोखरेलले १० हजार ९६१ मत प्राप्त गरेका छन्।

सत्ता गठबन्धनकी उम्मेदवार नेकपा माओवादी केन्द्रकी कल्पना धमला ६ हजार ४०२ मतसहित तेस्रो स्थानमा रहिन्। श्रेष्ठ यसअघि २०४९, २०५१ र २०७४ को आमनिर्वाचनमा विजयी भएका थिए।