महोत्तरी १ मा क्रस मतलाई सदर गर्ने सहमति

महोत्तरी- महोत्तरीको क्षेत्र नम्बर १ मा मतगणना जारी छ। क्रस मत सदर गर्ने सहमतिपछि मतगणना सुरु भएको हो।

मतगणना प्रदेश (ख) बाट सुरुवात गरिएको छ। गौशालाको रामनगरको मतदानस्थलमा भएको मतपत्रबाट गणना भएको हो।

मतगणना प्रदेशसभा समानुपातिक, प्रत्यक्ष, प्रतिनिधिसभा समानुपातिक र प्रत्यक्षतर्फ एकसाथ मतगणना भइरहेको छ। दिउँसो १ बजे नै हुने भनिएको मतगणना क्रस मतलाई सदर गर्ने कि बदर गर्ने भन्ने विषयमा विवाद हुँदा स्थगित भएको थियो।

महोत्तरी क्षेत्र नम्बर १ मा गौशाला नगरपालिकामा १२ वटा वडा, बर्सिबास नगरपालिकामा १४ वटा र भंगाहा नगरपालिकामा ४ वटा वडा गरी ३० वटा वडा छन्।

यस क्षेत्रका कूल ९८ हजार ४ सय ९७ मतदाता मध्ये ६५ हजार ४ सय १० जनाले मतदान गरेका छन्।