धनकुटाको बेलहारामा शंकास्पद वस्तु फेला

काठमाडौं- धनकुटा नगरपालिका-९ बेलहारामा शंकास्पद वस्तु फेला परेको छ। डल्लो वस्तुमा तार बेरिएको देखिएपछि प्रहरीले सुरक्षा सतर्कता बढाएको छ।

अस्थायी प्रहरी चौकीबाट करिब डेढ किलोमिटरको दूरीमा उक्त वस्तु फेला परेको प्रहरीले जनाएको छ। घटनास्थलमा नेपाली सेनाको डिस्पोजल टोली प्रस्थान गरेको जिल्ला प्रहरी प्रमुख एसपी लक्ष्मीराज अधिकारीले बताए।

निर्वाचनलाई प्रभावित पार्न उक्त वस्तु राखिएको हुनसक्ने प्रहरीले अनुमान गरेको छ।