बुबालाई ४८५ मतले हराएका तुलाचन छोरासँग ९१४ मतले पराजित

काठमाडौं– मुस्ताङबाट प्रतिनिधिसिभा सदस्य निर्वाचनमा २९ वर्षिय योगश गौचन थकाली निर्वाचित भएका छन्। उनले निवर्तमान सांसदसमेत रहेका एमालेका ६० वर्षीय प्रेम प्रसाद तुलाचनलाई पराजित गरेका हुन्। 

तुलाचन तिनै हुन् जसले २०७४ सालमा भएको प्रतिनिधिसभाको निर्वाचनमा योगेशका बुबा रोमी गौचन थकालीलाई पराजित गरेका थिए। तुलाचनले रोमीलाई ४८५ मतले पराजित गरेका थिए। तर, रोमीका छोरासँग भने तुलाचन ९१४ मतले पराजित बनेका छन्।  

०७४ सालमा तुलाचन ३ हजार ३१७ मत ल्याएर विजयी भएका थिए। रोमीले २ हजार ८३२ मत प्राप्त गरेका थिए। यसपटक ३ हजार ९९२ मत प्राप्त गरेर विजयी हुँदा एमालेका तुलाचनले ३ हजार ७८ मत प्राप्त गरे। यसअर्थमा पिता पराजयको बदला योगेशले तुलाचनसँग लिएका छन्।