गोरखामा ५० प्रतिशतभन्दा कम मतदान

गोरखा- गोरखामा ५० प्रतिशतभन्दा कम मत खसेको छ। यसपटकको निर्वाचनमा करिव ५० प्रतिशतसम्म मत खसेको अनुमान गरिएको मुख्य निर्वाचन अधिकृत तेजेन्द्रप्रसाद शर्माले बताए।

अहिले मतपेटिकाहरु संकलन गरेर मतगणना स्थलमा ल्याउने तयारी भइरहेको उनले जानकारी दिए। यसपटकको निर्वाचनका लागि जिल्लामा कुल २ लाख २० हजार ६३७ मतदाता थिए। २ सय २२ मतदान स्थल र ३ सय १७ मतदान केन्द्र निर्धारण गरिएको थियो।