बाजुराको त्रिवेणीमा गोली चल्दा तीन जना घाइते, एक गम्भीर

बाजुरा- बाजुराको त्रिवेणी नगरपालिका-७ मा गोली चल्दा तीन जना घाइते भएका छन्। 

मतदानका क्रममा नेकपा एमाले र नेपाली कांग्रेसका कार्यकर्ताबीच झडप हुँदा तीन घाइते भएको प्रहरीले जनाएको छ।

बाजुराका सहायक प्रमुख जिल्ला अधिकारी लोकेन्द्र विष्टका अनुसार एक जनाको अवस्था गम्भीर छ। घाइतेहरूको पहिचान हुन नसकेको प्रहरीको भनाइ छ।

घाइतेहरूलाई नेपाली सेनाको हेलिकप्टरले उद्धार गरी अस्पताल लगिएको छ ।