महोत्तरीबाट ७ फर्जी मतदाता पक्राउ

महोत्तरी- महोत्तरीको गौशालास्थित मतदान केन्द्रबाट चार जना फर्जी मतदाता पक्राउ परेका छन्। निगौल मतदान केन्द्रमा अन्य मतदाताको नाममा मतदान गर्न आएका सात जनालाई आइतबार साँझ प्रहरीले पक्राउ गरेको जनाएको छ।

परिचयपत्र विना आएका ती व्यक्तिलाई सोधखोज गर्दा अन्य व्यक्तिको नाममा मतदान गर्न आएको भनेपछि नियन्त्रणमा लिइएको प्रहरी निरीक्षक रन्जन मिश्रले बताए।

उनीहरूलाई अहिले इलाका प्रहरी कार्यालय गौशालामा राखेर अनुसन्धान गरिरहेको प्रहरीले जनाएको छ। पक्राउ परेका व्यक्तिको नाम भने प्रहरीले खुलाएको  छैन। पक्राउ पर्नेहरू सबै गौशालाका युवा स्थानीय हुन्।