सकियो मतदानको समय, लाइनमा बस्नेले भोट हाल्न पाउने

काठमाडौं- प्रतिनिधिसभा तथा प्रदेशसभाका निर्वाचनका लागि निर्धारित समय समाप्त भएको छ। आयोगले आइतबार बिहान ७ बजे सुरु भएको मतदान साँझ ५ बजेसम्म मतदानका लागि समय तोकेको थियो।

५ बजेभित्र मतदातस्थलमा प्रवेश गरेका मतदाताले भने मतदान गर्न पाउने छन्। केही निर्वाचन क्षेत्रमा बाहेक अन्यत्र शान्तिपूर्ण रुपमा निर्वाचन सम्पन्न भएको निर्वाचन आयोगले जानकारी दिएको छ। 

प्रतिनिधिसभाको प्रत्यक्षतर्फ १ सय ७५ र समानुपातिकतर्फ १ सय १० तथा प्रदेशसभामा ७ प्रदेशको ३३० प्रत्यक्ष र २२० समानुपातिकतर्फ सांसद छान्नका लागि आइतबार एकै चरणमा मतदान भएको हो। प्रतिनिधिसभाको प्रत्यक्षतर्फ २४ सय १२ उम्मेदवार रहेका छन्। त्यसैगरी समानुपातिकर्तफ २१ सय ९९ उम्मेदवार रहेका छन्। 

त्यसैगरी प्रदेशसभाको प्रत्यक्षतर्फ ३३ सय २४ र समानुपातिकतर्फ ३७ सय ८ उम्मेदवार रहेका छन्। १ करोड ७९ लाख ८८ जहार ५ सय ७० मतदाता रहेका थिए।