बाजुरा स्वामिकार्तिकको मतपेटिकामा आगजनी, मतदान स्थगित

काठमाडौं– बाजुराको स्वामिकार्त्तिके खापर गाउँपालिकाकास्थित एक मतदानस्थलको मतपेटिकामा आगजनी भएको छ। भगवती आधारभूत विद्यालय मतदान केन्द्रमा प्रदेश 'क' केन्द्रको समानुपातिक मतपेटिकामा आगो लागेको हो।

आइतबार दिउँसो करिब ३ बजेतिर मतपेटिकामा आगजनी भएको प्रमुख जिल्ला अधिकारी प्रकाशचन्द्र अधिकारीले बताए।

पेटिकामा आगजनी कसरी र कसले गरेको भन्नेबारे यकिन कारण थाहा हुन नसकेको उनले बताए।

कुल ८४० मतदाता रहेको उक्त केन्द्रमा ६३ प्रतिशतले मतदान गरिसकेका थिए। मतपेटिकामा आगजनी भएपछि मतदान स्थगित भएको सीडीओ अधिकारीले जानकारी दिए।