बूढीगंगामा पटाका पड्किएपछि रोकिएको मतदान पुन: सुरु

मोरङ- मोरङ निर्वाचन क्षेत्र नम्बर ६ स्थित बूढीगंगा गाउँपालिका-१ करैया देवीस्थान केन्द्र नजिक पटाका पड्किएसँगै रोकिएको मतदान कार्य फेरि सुरु भएको छ। मतदान केन्द्र विस्फोटको ठूलो आवाज आएसँगै रोकिएको मतदान कार्य पुनः सुरु भएको मोरङका प्रमुख जिल्ला अधिकारी काशिराज दाहालले जानकारी दिए। 

विष्फोट ठूलो आवाजसहित भएको भएपनि प्रहरी अनुसन्धानले पटाका पड्किएको देखाएको दाहालले जानकारी दिए। दाहालका अनुसार बिहान विष्फोटको आवाजसँगै मतदानस्थलमा पुगेका मतदाता तितरबितर भएका थिए।

बिहान करिब पौने १० बजे मतदाताले आफ्नो मताधिकार प्रयोग गरिरहेको अवस्थामा विष्फोटको आवाज आएको थियो। विष्फोटसँगै मतदाताहरूमा त्रास देखिएको थियो। अहिले स्थिति सामान्य छ। विस्फोटपछि करिब साढे ३ घण्टा मतदान कार्य रोकिएको थियो।