काठमाडौं- छिटफुट घटना बाहेक देशभर शान्तीपूर्ण तरिकाले मतदान भइरहेको निर्वाचन आयोगले जनाएको छ।
आयोगले पत्रकार सम्मेलन गर्दै सामान्य विवादका कारण रोकिएका मतदान केन्द्रमा पनि मतदान भइसकेको आयोगले जनाएको छ।
केही मतदान केन्द्रमा पुन: सुरु गर्ने प्रयास भइरहेको आयोगका प्रवक्ता शालिग्राम शर्मा पौडेलले बताए। आजै रातिदेखि मतगणना सुरु हुने निर्वाचन आयोगले जनाएको छ। सबै ठाउँमा म गणना सम्भव नभए पनि सम्भव भएको ठाउँमा आजैदेखि मत गणना सुरु गरिने पौडेलले बताए।
आयोगले हालसम्म देशभर ३२ प्रतिशत मतदान भएको जनाएको छ। १२ बजेर ४५ मिनेटसम्म जम्मा ३२ प्रतिशत मतदान भएको र यसपछि मतदान प्रतिशत बढ्न सक्ने जनाएको छ।
बिहानी समयमा चिसोको कारण पनि मत कम खसेको हुनसक्ने र अब मतदान बढ्न सक्ने आयोगका प्रवक्ता पौडेलको भनाइ छ।