मतदान केन्द्रमै वृद्धको मृत्यु

तेह्रथुम- तेह्रथुममा मतदान गर्न मतदानस्थल पुगेका एक वृद्धको मृत्यु भएको छ।

तेह्रथुमको लालीगुराँस नगरपालिका वडा नम्बर ८ सोल्माको रत्न मावि मतदान केन्द्रमा भोट हाल्न पुगेका ८८ वर्षीय योङहाङदीप लिम्बूको मतदान केन्द्रमै मृत्यु भएको हो।

रत्न मावि मतदान केन्द्रको गोटमा पुगेपछि वृद्ध लडेका थिए। मतदान केन्द्रमा लडेका लिम्बू उच्च रक्तचापको बिरामी रहेको प्रमुख जिल्ला अधिकारी मोहनप्रसाद अर्जालले जनाकारी दिए।