मंसिर १५ भित्रमा बहुमतको सरकार बन्छ : एमाले अध्यक्ष ओली

भक्तपुर- नेकपा एमालेका अध्यक्ष केपी शर्मा ओलीले मंसिर १५ भित्र एमालेले बहुमतको सरकार बनाउने बताएका छन्। 

आइतबार अपरान्ह बालकोटमा मतदानपछि सञ्चारकर्मीसँग कुरा गर्दै अध्यक्ष ओलीले मंसिर १५ गतेभित्र बहुमतको सरकार बन्ने बताएका हुन्।

‘चुनावले राम्रो नतिजा आउने अपेक्षा गरेको छु। तर पनि युवाहरूलाई आवेग र भावनामा बगाउने खालका प्रयास भएका छन्। सचेत नेपाली जनताले परास्त गरेको देख्छु’, ओलीले भने। 

उनले रौतहट, रोल्पा, चितवनलगायतका स्थानमा केही घटना भए पनि समग्रमा निर्वाचन शान्तिपूर्ण भएको आफूले पाएको बताए।