घनश्याम भुसाल भन्छन्- यो चुनावले गणतन्त्र लिकमा आएको छ

रुपन्देही- नेकपा एमाले परित्याग गरी रुपन्देही क्षेत्र नम्बर १ बाट स्वतन्त्र उम्मेदवारी दिएका नेता घनश्याम भुसालले यस पटकको चुनावसँगै गणतन्त्र लिकमा आएको प्रतिक्रिया दिएका छन्। रुपन्देहीको तिलोत्तमा वडा नम्बर ९ को गौतमबुद्ध आदर्श सिसुसदन आधारभूत विद्यालयबाट मतदान गर्दै उनले क्त प्रतिक्रिया दिएको हुन्।

सोही वडाबासी भुसालले सत्तारुढ गठबन्धनको समेत सर्मथनमा त्रिभुज चुनाव चिन्ह लिएर निर्वाचन लडेका छन्। भुसालका मुख्य प्रतिस्पर्धी नेकपा एमालेका सचिव छविलाल विक रहेका छन्। विकले पनि बुटवल वडा नम्बर ११ बाट मतदान गरेका छन् । 

मतदानपछि प्रतिक्रिया दिँदै भुसालले आजको चुनावले संविधान र संघीय गणतन्त्र लिकमा आएको बताएका हुन्। संघीय गणतान्त्रिक नेपालको दोस्रो चुनावले संविधान र संघीय गणतन्त्रलाई थप बलियो बनाउने बताएका हुन्।