मतदातासँग भोट माग्ने कर्मचारी निष्कासित

विराटनगर- निर्वाचनमा खटिएका कर्मचारीले मत मागेपछि मोरङको पथरी-३ जनता मावि ‘क’ मतदान केन्द्रका एक कर्मचारीलाई निष्कासन गरिएको छ।

मतदान गराउन खटिएकी कर्मचारी विनिता दाहालले गठबन्धनका उम्मेदवारका पक्षमा मत मागेपछि विवाद उत्पन्न भएको थियो। मत हाल्न पुगेकी कमला दाहालसँग विनिताले सत्तागठबन्धनका पक्षमा भोट हाल्न आग्रह गरेपछि उनलाई निष्कासित गरिएको बताइएको छ।

कर्मचारीले मत माग्न नपाउने भन्दै हल्ला भएपछि विनितालाई निष्कासन गरिएको र उनको ठाउँमा रामराजा चौधरीलाई ल्याइएको मतदान अधिकृत रामकृष्ण श्रेष्ठले बताए।