कसले पहिले मतदान गर्ने भन्ने विषयमा विवाद : सिराहामा चल्यो गोली

सिराहा- सिराहा कर्जनाहा ६ को जनता माविको बुथमा गोली प्रहार भएको छ। जसपा र लोसपाका मतदाताबीच मत तानातान भएपछि प्रहरीले हवाइ फायर गरेर स्थिति नियन्त्रणमा लिएको छ। 

कसले पहिले मतदान गर्ने भन्ने विषयमा मत बाझिएपछि मत तानातान भएको हो। दुवै पार्टीका कार्यकर्ताले मतपेटिका खोसाखोस गरेपछि प्रहरीले ३ राउन्ड हवाई फायर गरेको हो। स्थितिलाई नियन्त्रणमा लिन हवाई फायर गर्नुपरेको जिल्ला प्रहरी कार्यालय सिराहाका डीएसपी सुवास बुढाथोकीले बताए।

मतपेटिका तानातानले केहीबेर तनाव भए पनि अहिले भने मतदान सुचारु भएको छ।