सर्लाहीमा दुई समूहबीच झडप हुँदा एक जनाको मृत्यु

सर्लाही- सर्लाहीमा दुई समूहबीच झडप हुँदा एक जनाको मृत्यु भएको छ। 

गोडैटा नगरपालिका-६ मा दुई समूहबीच झडप हुँदा गोडैटा नगरपालिका-६ का ६५ वर्षीय राम केवल रायको मृत्यु भएको प्रहरीले जनाएको छ। 

शनिबार राति झडपमा परी गम्भीर घाइते भएका रायको उपचारका क्रममा आइतबार जनकपुरमा मृत्यु भएको हो।

घटनामा दुवैतर्फबाट ढुंगामुडा भएको प्रहरीले जनाएको छ। घाइते भएका आधादर्जन कार्यकर्ताहरूको जिल्लाको प्रदेशीक अस्पताल मलंगवा तथा स्थानीय स्वास्थ्य संस्थामा उपचार भइरहेको जिल्ला प्रहरीका प्रमुख एसपी प्रविण पोखरेलले बताए।

झडपमा संलग्नमाथि अनुसन्धान भइरहेको प्रहरीले जनाएको छ।