धनगढी शारदा मतदानस्थलमा बम विस्फोट, मतदान स्थगित

काठमाडौं– कैलाली क्षेत्र नम्बर ५ मा पर्ने धनगढी उपमहानगरपालिकास्थित एक मतदान केन्द्र नजिक विस्फोट भएको छ।

शारदा मावि मतदान केन्द्रबाहिर विस्फोटक पदार्थ पड्किएपछि मतदाता त्रसित बनेका थिए। उक्त विस्फोटपछि मतदान स्थगित भएको छ।

कुनै मानवीय क्षति नभएको र घटनास्थलमा नेपाली सेनाको टोली पुगिसकेको जिल्ला प्रहरी कार्यालय कैलालीका प्रवक्ता वेदप्रकाश जोशीले बताए।