देशभर शान्तिपूर्वक मतदान भइरहेको छ : गृहमन्त्री

भैरहवा- गृहमन्त्री बालकृष्ण खाँणले देशभर शान्तिपूर्ण मतदान भइरहेको बताएका छन्।

रूपन्देही क्षेत्र नम्बर ३ बाट पाँच दलीय गठबन्धनका उम्मेदवारसमेत रहेका गृहमन्त्री खाँणले सिद्वार्थनगर नगरपालिकाका विभिन्न वडामा रहेका मतदान स्थल अवलोकन क्रममा सञ्चारकर्मीहरूसँग कुराकानी गर्दै देशभर शान्तिपूर्ण रुपमा मतदान भइरहेको बताएका हुन्।

मुलुकभरि शान्तिपूर्ण रूपमा निर्वाचन सम्पन्न भइरहेको र शान्तिपूर्ण होस् भन्ने सबै क्षेत्रको चाहना रहेको उनले बताए। मतदान शान्तिपूर्ण रुपमा सम्पन्न गर्नका लागि सरकारले सोही अनुरुप काम पनि गरेको गृहमन्त्री खाँणले प्रस्ट पारे।

उनले अहिले मतदान केन्द्रमा पुगेर अवलोकन गरिरहेका छन्। खाँणले दिउँसो ४ बजे मतदान गर्ने जनाएका छन्।