बर्दिया खैरापुर मतदानस्थलमा बम विस्फोट, मतदान स्थगित

काठमाडौं- बर्दियाको शम्भु शरण माध्यमिक विद्यालय, गुलरिया(२ को मतदानस्थल नजिकै बम विस्फोट भएपछि मतदान स्थगित भएको छ।

मतदान सुरू भएको केही समयमै स्कूलको छतमा राखिएको बम विस्फोट भएको थियो। बम विस्फोट भएपछि त्यहाँ भागदौड मच्चिएको थियो। विस्फोटबाट कुनै मानवीय क्षति भने नभएको जिल्ला प्रहरी कार्यालय, बर्दियाका प्रहरी निरीक्षक हृदेश सापकोटाले बताए। 

अहिले स्थिति सामान्य भइसकेको र पुन: मतदान गराउने तयारी भइरहेको सापकोटाले जानकारी दिए।