आज पनि बढ्यो सुनको मूल्य

काठमाडौं- नेपाली बजारमा सुनको मूल्य आज पनि बढेको छ। नेपाल सुनचाँदी व्यवसायी महासंघकाअनुसार मंगलबारको तुलनामा सुनको मूल्य प्रतितोला २०० रुपैयाँले बढेको हो। यस्तै चाँदीको मूल्य भने तोलामा ३० रुपैयाँले घटेको छ।

मंगलबार प्रतितोला ९८ हजार २०० रुपैयाँ रहेको छापवाल सुनको भाउ बुधबार बढेर ९८ हजार ४०० रुपैयाँ पुगेको छ भने तेजावी सुनको मूल्य ९७ हजार ९०० रुपैयाँ कायम भएको छ। 

यसअघि तेजावी सुनको भाउ प्रतितोला ९७ हजार ७०० रुपैयाँ रहेको थियो।

त्यस्तै, आज चाँदी प्रतितोला एक हजार २९५ रुपैयाँमा कारोबार हुने महासंघले जनाएको छ। यसअघि चाँदीको भाउ प्रतितोला एक हजार ३२५ रुपैयाँ रहेको थियो।