बैंकिङ कसुर मुद्दाकी फरार प्रतिवादी पक्राउ

झापा- बैंकिङ कसुर मुद्दामा दोषी ठहर भएकी एक जना फरार प्रतिवादी प्रक्राउ परेकी छन्। पक्राउ पर्नेमा  जिल्ला झापा विर्तामोड नगरपालिका-९ की ३६ वर्षीया गायत्री भंगड छिन्। 

उच्च अदालत विराटनगरको इलाम इजलास २०७६ पुस २३ गते फैसला गर्दै उनलाई ८ लाख जरिवाना र ११ दिन कैद सजाय हुने ठहर गरेको थियो। बैङ्किङ कसुर मुद्दा दर्ता भएपछि ११ दिन प्रहरीको न्यायिक हिरासतमा बसेसकेकी उनी ५० हजार धरौटीमा रिहा भएकी थिइन्।

तर उनीले जरिवाना नतिरी फरार थिइन्। उनलाई पक्राउ गरी जरिवाना माग गर्दा जरिवाना दाखिला गर्न नसकेपछि कैद सजाय भुक्तानीका लागि चन्द्रगढी कारागार पठाउने तयारी भइरहेको झापा प्रहरीले जानकारी दएको छ। अहिले उनलाई जिल्ला प्रहरी कार्यालय झापामा राखिएको छ।