नेपाली बजारमा सुनको मूल्य बढ्यो

काठमाडौं- नेपाली बजारमा आज सुनको मूल्य सामान्य अंकले बढेको छ। मंगलरबारको तुलनामा सुनको मूल्य दुई सय रुपैयाँले बढेको नेपाल सुनचाँदी व्यवसायी महासंघले जनाएको छ।

महासंघका अनुसार मंगलबार प्रतितोला ९४ हजार रुपैयाँ कामय भएको छापावाल सुन आज प्रतितोला ९४ हजार २ सय रुपैयाँ कामय भएको छ।

यसैगरी, तेजाबी सुनको मुल्य प्रतितोला ९३ हजार ७ सय रुपैयाँ कायम भएको छ। चाँदीको मुल्य भने आज १५ रुपैयाँले घटेको छ। 

आज चाँदी प्रतितोला १२ सय रुपैयाँमा खरिद विक्रि भइरहेको महासंघले जनाएको छ।