सञ्‍चार सम्पर्क हुन नसक्दा अझै आएन डोल्पा र हुम्लाको उम्मेदवारी तथ्यांक

काठमाडौं- मंसिरमा हुने प्रतिनिधि सभाको निर्वाचनका लागि प्रत्यक्षतर्फ २ हजार ५१३ जनाको उम्मेदवारी परेको छ। हुम्ला र डोल्पा बाहेकका स्थानमा कुल २ हजार ५१३ जनाको उम्मेदवारी परेको हो।  

केही दिनदेखिको अविरल वर्षाका कारण आएको बाढी, पहिरोले गर्दा सञ्‍चार सम्पर्क हुन नसक्दा डोल्पा र हुम्लाको उम्मेदवारीको विवरण आउन बाँकी रहेको बताइएको छ। 

निर्वाचन आयोगले देशभरको अन्तिम विवरण आइनसकेकाले उम्मेदवारको संख्या बढ्ने जनाएको छ। 

त्यस्तै प्रदेशतर्फ ३ हजार ४५५ उम्मेदवारी परेको छ। प्रतिनिधिसभाका १६५ सिटका लागि चुनाव हुँदैछ। आज उम्मेदवारको विरोधमा उजुरी दिन सकिने कार्यक्रम रहेको छ।