तुइन चुँडिएपछि भारतबाट फर्किरहेका नेपाली युवक महाकालीमा बेपत्ता

दार्चुला- तुइन चुँडिएपछि भारतबाट दार्चुला फर्किरहेका एक युवक बेपत्ता भएका छन्। ब्याँस गाउँपालिका-२ दुम्लिङस्थित गोठालघाटको तुइन तरिरहेका युब तुइनको लठ्ठा चुँडिएपछि महाकाली नदीमा खसेर बेपत्ता भएका हुन्। 

बेपत्ता हुनेमा सोही वडाका १८ वर्षीय सचिन बुढाथोकी छन्। जिल्ला प्रहरी कार्यालय दार्चुलाका अनुसार तुइन टुट्दा उनी बेपत्ता भएका हुन्। सुरक्षाकर्मीले उनको खोजी गरिरहेको छ।

गत वर्षको साउन १५ मा सोही ठाउँमा तुइन तरेर भारत जाने क्रममा खसेर जयसिंह धामी पनि बेपत्ता भएका थिए। भारतीय सुरक्षाकर्मीले तुइन काटिदिँदा उनी नदीमा बेपत्ता भएको आरोप लगाएका थिए। यद्यपि नेपाल र भारतका सरकारले यो विषयलाई नकार्दै आएका छन्।