इन्धनको मूल्यवृद्धिविरुद्ध बुटवलमा प्रदर्शन

बुटवल– नेकपा एमाले निकट अनेरास्ववियुले पेट्रोलियम पदार्थको मूल्यवृद्धिविरुद्ध बुटवलमा प्रदर्शन गरेको छ।

सोमबार बुटवल बहुमुखी क्याम्पस अगाडि सडकमा प्रदर्शन गर्दै उनीहरुले सार्वजनिक सवारी साधन चल्नमा अवरोध गरेका थिए। नेपाल आयल निगमले पेट्रोलियम पदार्थको मूल्यमा एक्कासि वृद्धि गरेपछि विद्यार्थीहरुले विरोध गरेका हुन्।

सकारले भारी मात्रामा पेट्रोलको प्रतिलिटर १९ रुपैयाँ र डिजेल तथा मटीतेलमा प्रतिलिटर २७ रुपैयाँले वृद्धि गरेको छ। एकै पटक यति धेरै प्रतिलिटर मूल्यवृद्धि भएको यो पहिलो पटक हो। पेट्रोलको नयँ मूल्य प्रतिलिटर ११९ रुपैयाँ भएको छ भने डिजेल र मटीतेल प्रतिलिटर १९२ रुपैयाँ भएको छ।

सरकारले जनताको ढाड सेक्ने गरी मूल्यवृद्धि गरेको भन्दै अनेरास्ववियु रुपन्देही अध्यक्ष शेषकान्त पोखरेलले निर्णय नसच्याएसम्म आन्दोलन जारी राख्ने बताए।