प्रदेश-१ बाट भित्रियो मनसुन

काठमाडौं– यस वर्षको मनसुन आइतबारबाट सुरु गएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार प्रदेश १ बाट मनसुन प्रणाली नेपाल प्रवेश गरेको हो।

नेपालमा मनसुसन प्रवेश गर्ने मिति सरदरमा जुन १३ अर्थात् जेठ अन्तिम भए पनि यस वर्ष करिब १० दिनअघि नै मनसुन प्रणाली भित्रिएको हो।

‘यस वर्षको मनसुन सरदर मितिभन्दा अगाडि नै नेपालको पूर्वी भूभागमा प्रवेश गरेको देखिन्छ। नेपालको अन्य भूभागमा भने केही दिनपछि मनसुन प्रवेश हुने अनुमान गरिएको छ,’ मौसम पूर्वानुमान महाशाखाले आइतबार जारी गरेको विज्ञप्तिमा भनिएको छ।