कपिलवस्तु नगरपालिका-१ मा जसपाको प्यानलै विजयी

कपिलवस्तु- कपिलवस्तु नगरपालिका-१ मा जसपाको प्यानलै विजयी भएको छ। वडाअध्यक्ष पदमा जसपाका उम्मेदवार मोहम्मद जाहिद खाँ निर्वाचित भएका हुन्।

उनले ९ सय ९२ मत ल्याई निर्वाचित हुँदा निकटम प्रतिस्पर्धी एमालेका सन्तोष कुमार कसौधनले ८ सय मत पाए। वडा अध्यक्ष सहित सदस्यहरुमा जसपाका खाँको प्यानलले जितेको छ । 

कपिलवस्तु नगरप्रमुख पदमा जसपाका उम्मेदवार सुदिप पौडेल अघि छन्।  हालसम्म ३ हजार ३ सय ७ मत गणना हुदा पौडेलले १ हजार ६ सय ४३ मत प्राप्त गरेका छन्।

एमालेको राजेश गुप्ताको ८ सय ४१ र कांंग्रेसका किरण सिंहको ३ सय ६१ मत आएको छ। उपप्रमुखमा जसपाकै सुनिता गुप्ता अघि छन्। उनको १ हजार १ सय ७३ मत आएको छ भने एमालेकी तुलसा गैरेको ९ सय २१ मत छ।