भरुवा बन्धुकसहित चार जना पक्राउ

बुटवल- रुपन्देही प्रहरीले भरुवा बन्दुकसहित चार जनालाई पक्राउ गरेको छ। रुपन्देहीको देवदह नगरपालिका वडा न. ६ भलुही स्थित उजेरी पाल्पाली सामुदायिक बनभित्र भरुवा बन्दुक सहित हिडेकाको सूचनाका आधारमा चार जनालाई पक्राउ गरेको हो।

पक्राउ पर्नेमा वडा प्रहरी कार्यालय बुटवलको टोलीले  रुपन्देही देवदह ६ सताकखोला बस्ने बर्ष ३६ का गणेश राना, ४६ वर्षका कृष्ण बहादुर कामु, बर्ष ४९ का सुन बहादुर आले  र  ३६ बर्षका चेत बहादुर दर्लामी रहेका छन। शनिबार दिउँसो वडा प्रहरी कार्यालय बुटवलले उनीहरुलाई पक्राउ गरेको छ।

उनीहरुबाट ७ नाल भरुवा बन्दुक, त्यसमा लाग्‍ने छर्रा १२९ पिस, ३२७ ग्राम वारुद, ७५ पिस केप र २ थान फलामको चक्कु फेला बरामद गरेको जिल्ला प्रहरी कार्यालय रुपन्देहीका प्रहरी नायव उपरीक्षक नवरत्न पौडेलले बताए। 

पक्राउ परेकाहरुमाथी थप अनुसन्धान भइरहेको प्रहरीले जनाएको छ। स्थानीयहरुले भने सिकार खेल्न गएको बताएका छन्।