रुपन्देहीमा एकीकृत समाजवादी एक्लै लड्ने, बुटवलमा मात्रै गठबन्धन

बुटवल- रुपन्देहीका १६ पालिका मध्ये बुटवल उपमहानगरपालिका वाहेकका १३ पालिकामा नेकपा एकीकृत समाजवादी एक्लै चुनाव लड्ने भएको छ। 

बुटवल उपमहानगरको बारेमा पार्टी केन्द्रले गठबन्धन दलहरुसंग भागबण्डामा सहमति गरेकाले त्यहां गठबन्धन हुने तर अन्य १३ वटा पालिकामा एक्लै चुनाव लड्ने पार्टीका जिल्ला अध्यक्ष राजु गुरुङले बताए। 

गठबन्धनको ठूलो दल नेपाली कांग्रेस र दोस्रो ठूलो दल माओवादी केन्द्र  गठबन्धनप्रति इमान्दार नभएकाले छुट्टै चुनाव लड्ने निश्कर्षमा पुगेको गुरुङले बताए।

'बुटवलमा गठबन्धनलाई इमान्दारितापुर्वक अघि बढाउंछौं तर अरु १३ पालिकामा एक्लै लड्छौं,' गुरुङले भने 'जुन पार्टीले सडकमा रहेको दललाई सरकार र शक्तिमा पुर्‍यायो त्यसलाई बिर्सेर जिल्ला तहमा हामीलाई बाइपास गर्ने काम भयो।' रुपन्देहीमा जनता समाजवादी पार्टीले पनि ५ दलीय गठबन्धनबाट अगल भई एक्लै चुनाव लड्ने निर्णय गरिसकेको छ।