सामूहिक बलात्कार घटनाका फरार अरोपी पक्राउ

विराटनगर- मोरङको सुन्दरहरैचा–४ बलियामा भएको सामूहिक बलात्कार घटनाका फरार आरोपीलाई प्रहरीले पक्राउ गरेको छ।

झापाको मेचीनगर नगरपालिका ३ का २५ बर्षीय रामबहादुर नेपाली भन्ने सुधान्सु दर्जीलाई प्रहरीले पक्राउ गरेको हो। दर्जीलाई मंगलबार इलामको सुर्योदय नगरपालिका १२ बाट प्रहरीले पक्राउ गरेको प्रदेश प्रहरी कार्यालय विराटनगरले जनाएको छ।

३१ वर्षीया महिलालाई सामुहिक बलात्कार गरेको आरोपमा श्रेष्ठ होटल एण्ड फेमेली लजका सञ्चालक सुन्दररहैँचा नगरपालिका–४ का ३६ वर्षीय अर्जुन भनिने हिमबहादुर श्रेष्ठ र २५ वर्षीय सुरज भनिने मनोज श्रेष्ठलाई माघ ८ गते प्रहरीले नियन्त्रणमा लिएको थियो। 

गत माघ ७ गते सुनसरीको इटहरीबाट मोरङको गछियास्थित बहिनीको घरतर्फ आउँदै गर्दा आरोपितहरूले गन्तव्यसम्म पुर्याइ दिने भन्दै सुन्दरहरैँचा नगरपालिका–४ बलियास्थित श्रेष्ठ होटल एण्ड फेमिलि लजमा पुर्याएर सामूहिक बलात्कार गरेको प्रहरीले जनाएको छ।  

पक्राउ परेका तिनै जना उपर जबरजस्ती करणी मुद्दामा कानुनी कारबाही अगाडी बढाईएको ईलाका प्रहरी कार्यालय बेलबारीले जनाएको छ।