कोसी अस्पतालका २६ जना स्वास्थ्यकर्मीलाई कोरोना संक्रमण

विराटनगर- कोसी अस्पताल विराटनगरका तीन चिकित्सक सहित २६ जनामा कोरोना संक्रमण भएको छ। 

बिहीबार सम्म अस्पतालका तीन चिकित्सक सहित १५ स्वास्थ्यकर्मीमा कोरोना संक्रमण भएको थियो। शुक्रबार ११ जनामा थप संक्रमण भएको अस्पतालकी सूचना अधिकारी मञ्जु यादवले बताइन्। उनका अनुसार तीन चिकित्सकहरूमा आँखा, शल्यक्रिया र नसा सम्बन्धीका रहेका छन्। 

२३ जना स्वास्थ्यकर्मीहरूमा पीसीआर प्रयोगशालाका तीन र अन्य नर्स, प्राविधिक लगायत रहेको यादवले बताइन्। उनका अनुसार संक्रमित भएका सबैको स्वास्थ्य अवस्था सामान्य छ। 

कोसी अस्पतालमा कोरोना संक्रमणको पहिलो लहरमा चिकित्सक सहित १५०, दोस्रो लहरमा ९० जना संक्रमित भएको मेडिकल सुपरिटेन्डेन्ट डा. चुमनलाल दासले बताए।