प्रदेश-१ मा ४६ जनामा कोरोना संक्रमण

विराटनगर- प्रदेश–१मा पछिल्लो २४ घण्टामा ४६ जनामा कोरोना संक्रमण भएको छ। सामाजिक विकास मन्त्रालयका अनुसार ३७८ जनाको पीसीआर परीक्षण गर्दा ३४ र १४१ को एन्टिजेन परीक्षण गर्दा १२ जनामा संक्रमण देखिएको छ।

मन्त्रालयका अनुसार पीसीआर परीक्षणका आधारमा मोरङमा २३, सुनसरीमा छ, झापामा दुई र प्रदेश बाहिरका तीन जनामा संक्रमण देखिएको हो।

मोरङको विराटनगरमा १८, कानेपोखरी र बेलबारीमा दुई/दुर्ई र उर्लाबारीमा एक, सुनसरीको इटहरीमा तीन, धरान, बराहक्षेत्र र स्थानीय तह नखुलेका एक/एक, झापाको शिवसताक्षी र विर्तामोडमा एक/एक  र प्रदेश बाहिरका तीन जनामा संक्रमण देखिएको हो।

प्रदेश–१ मा आज नौ महिलासहित १६ कोरोना संक्रमणमुक्त भएका छन् भने सक्रिय संक्रमितको संख्या १६८ रहेको सामाजिक विकास मन्त्रालयले जनाएको छ।