झापाको कनकाईमा बस दुर्घटना हुँदा एक जनाको मृत्यु, २२ घाइते

विराटनगर‒ झापाको कनकाईमा आईतबार दिउँसो भएको सवारी दुर्घटनामा एक जनाको मृत्यु भएको छ। दुर्घटनामा परि २२ जना घाइते भएका छन्। 

पूर्वबाट पश्चिमतर्फ जाँदै गरेको ना ५ ख ८०४१ नम्बरको बस कनकाईं नगरपालिका ८ को विरिङ पुलको रेलिङमा ठोक्किएर दुर्घटना भएको प्रदेश १ प्रहरी कार्यालय विराटनगरले जनाएको छ। 

दुर्घटनामा परि कनकाई नगरपालिका ७ का १६ वर्षीय उत्सव पौडेलको मृत्यु भएको हो। घाइते भएकाहरुमध्ये ११ जनाको बीएण्डसी अस्पताल र ११ जनाको बिर्तासिटी अस्पताल बिर्तामोडमा उपचार भइरहेको प्रहरीले जनाएको छ।