विराटनगर– आगामी मंसिर १०–१२ सम्म चितवनमा हुने नेकपा एमालेको १० औं राष्ट्रिय महाधिवेशनका लागि मोरङबाट ५७ जना प्रतिनिधि सर्वसम्मत भएका छन्।
६ वटा निर्वाचन क्षेत्र र दलित क्षेत्र गरि ५७ महाधिवेशनका लागि विहीबार १७० जनाले मनोनयन दर्ता गरेका थिए। ६ वटा निर्वाचन क्षेत्रबाट १६६ र दलित क्षेत्रबाट ४ जनाले उम्मेदवारी दिएका थिए।
दलित क्षेत्र अन्तर्गत ४ महाधिवेशन प्रतिनिधिका लागि सोही संख्यामा उम्मेदवारी परेको थियो। उनीहरु विहीबार नै निर्विरोध भएका थिए। ६ वटा क्षेत्रका महाधिवेशन प्रतिनिधिको अन्तिम टुङ्गो लगाउन ४ दिन लागेको छ।
शुक्रबार क्षेत्र नम्वर १, २, ३, ४ र ५ बाट ४५ जना सर्वसम्मत भएका थिए। क्षेत्र नम्वर ६ का ८ जना प्रतिनिधिको अन्तिम टुङ्गो आईतबार लागेको निर्वाचन समितिले जनाएको छ।
मोरङ क्षेत्र नम्वर १ बाट खड्गबहादुर वस्नेत, अग्नि भट्टराई, नरेन्द्रप्रसाद ढुङ्गेल, घनस्याम खतिवडा, उमाकान्त गौतम, भूपेन्द्रकुमार लावती, लक्ष्मीदेवी भण्डारी, निर्मला राई, शान्तिकुमारी लिम्वु, क्षेत्र नम्वर २ बाट ऋषिकेश पोखरेल, मेघनाथ कट्टेल, चन्द्रकला भण्डारी, लीलाबल्लभ अधिकारी, गोपाल थापा, मीरा दास, पर्शुराम कटुवाल, खेमकुमारी निरौला दाहाल, डिल्ली दाहाल, हसन इमाम बक्स र इर्जालाल राजवंशी सर्वसम्मत भएका छन्।
क्षेत्र नम्वर ३ बाट राजकुमार ओझा, केदार गुरागाई, ज्ञानेन्द्र सुवेदी, डिपी राई, ताराबहादुर काफ्ले, रामकुमार वस्नेत, देवराज भण्डारी, दिलिप राई, धनमायाँ तामाङ, ढाकाकुमारी पराजुली र राजकुमारी इङनाम, क्षेत्र नम्वर ४ बाट नन्दराज गिरी, कुमार आचार्य, धर्मलाल सिंह, रामबहादुर घिमिरे, महेशप्रसाद भट्टराई, बाबुराम कार्की, विमला दाहाल घिमिरे र गुणवति देवी थारु सर्वसम्मत भएको क्षेत्रीय निर्वाचन समितिले जनाएको छ।
क्षेत्र नम्वर ५ बाट डिल्लीराम घिमिरे, मनोज अग्रवाल, धर्मानन्द सञ्जेल, ज्ञानेश्वर राजवंशी, योगेन्द्र मण्डल र मीनादेवी यादव, क्षेत्र नम्वर ६ बाट नरेश पोखरेल, हरि घिमिरे, सत्यनारायण चौधरी, रामलाल साह, पर्शुराम वस्नेत, नारायणी घिमिरे, यशोदा अधिकारी र तारा राई सर्वसम्मत भएका हुन्।
त्यसैगरि दलित निर्वाचन क्षेत्र तर्फ खेम नेपाली, कृष्ण बर्देवा, जितनारायण सरदार र गितादेवी शिवा महाधिवेशन प्रतिनिधि चयन भएको जिल्ला निर्वाचन अधिकृत गणेश लुईटेलले जानकारी दिए।
प्रकाशित: Nov 14, 2021| 19:08 आइतबार, कात्तिक २८, २०७८
