हुम्लामा पहिरोले घर पुरिँदा एकै परिवारका ६ जनाको मृत्यु

सुर्खेत- हुम्ला पहिरोले घर पुरिँदा बेपत्ता भएका ६ जनाकै मृत्यु भएको छ ।

मृत्यु हुनेहरुमा खार्पुनाथ गाउँपालिका ५ खर्पेलगाउँका घरमुली धनविरे शाही, कलबहादुर शाही, धोक्ची शाही, हुमेश शाही, अलिन्द शाही र दुई वर्षिय नाबालक छन् । पहिरोले घर पुरिंदा बेपत्ता भएका ६ जनाकै मृत्यु भएको हुम्लाका डीएसपी हेरम्भ शर्माले जनाए । मृतकमध्ये चार जनाको मात्रै शव निकालेको छ भने बाँकी दुई जनाको शन निकाल्ने पर्यास भइरहेको छ ।

अविरल बर्षापछि आएको बाढीले मंगलबार राती करिव ८ बजेतिर पहिरोले घरसँगै परिवारका सबै सदस्यलाई पुरेको थियो ।