बालुवाटारबाट ओलीको बहिर्गमन [तस्बिरहरु]

काठमाडौं– निवर्तमान प्रधानमन्त्री केपी शर्मा ओली ४० महिनापछि सरकारी निवास बालुवाटारबाट तामझामसहित बाहिरिएका छन्। ओली बुधबार मध्यान्ह बालुवाटारबाट बालकोटका लागि निस्किएका हुन्।

युवा संघका कार्यकर्ताले ओलीलाई मोटरसाइकल र गाडीको स्कर्टिङसहित उनको निवास बालकोट लगेका थिए। ओलीको सवारी हुने सडकमा ट्राफिक व्यवस्थापनमा समस्या देखिएको थियो। सोही समयमा भारी वर्षा भएका कारण थप समस्या भएको थियो। 

सरकारी निवासभित्रबाटै एमालेका कार्यकता ओलीको गाडीको पछाडि हर्न बजाउँदै निस्किएका थिए।  सर्वोच्च अदालतको मंगलबारको आदेशपछि ओलीको प्रधानमन्त्री पद गुमेको हो।