प्रदेश १ मा ५७०० सक्रिय संक्रमित, कुन स्थानीय तहमा कति?

विराटनगर – प्रदेश १ मा ५ हजा ७ सय सक्रिय संक्रमित पुगेका छन्। सक्रिय संक्रमित मध्ये ४ हजार ८ सय९१ जना होम आईसोलेसनमा छन्।

अन्य कोभिड अस्पतालमा भर्ना भएका छन्। प्रेदश १ मा कूल कोरोना संक्रमितको संख्या ३५ हजार ९ सय २० पुगेको छ। संक्रमित भएका मध्ये ३० हजार १ सय १३ संक्रमण मुक्त भइसकेका छन्।

प्रदेश १ मा बिहीबार १ हजार ७ सय ५१ जनाको पीसीआर परीक्षण गरिएको थियो। परीक्षण गरिएका मध्ये ३ सय ३० महिला र ४ सय ६१ पुरुष गरि ७ सय ९१ जनामा संक्रमण पुष्टि भएको सामाजिक विकास मन्त्रालयले जनाएको छ। 

मन्त्रालयका अनुसार मोरङमा ३ सय ३७, झापामा १ सय ७८, सुनसरीमा १ सय ४५, ताप्लेजुङमा ४९, संखुवासभामा १४, इलाममा ११, उदयपुरमा ८, तेह्रथुममा ५, धनकुटा र पाँचथरमा २–२, भोजपुरमा १ र प्रदेश १ बाहिर ३९ जनामा संक्रमण देखिएको हो।

मोरङको विराटनगरमा १ सय १७ महिला र १ सय ६६ पुरुषसहित २ सय ८३, बुढीगंगामा १३, सुन्दरहरैचामा ९, बेलबारीमा ७, रंगेलीमा ६, कटहरीमा ५, केराबारीमा ३, धनपालथान, रतुवामाई र पथरीशनिश्चरेमा २–२, मिक्लाजुङ, ग्रामथान, उर्लाबारी, सुनबर्षी र स्थानीयतहनखुलेका १–१, सुनसरीको धरानमा ५९, इटहरीमा ४३, देवानगञ्ज र दुहवीमा९–९ र बराहक्षेत्रमा ६ संक्रमित रहेका छन्। 

यस्तै इनरुवा र कोशीगाउँपालिकामा ५–५, गढीमा ३, बर्जु र रामधुनीमा २–२, हरिनगर र भोक्राहानरसिंहमा १–१, झापाको दमकमा ५८, कमलगाउँपालिकामा २२, विर्तामोडमा २०, मेचीनगरमा १९, गौरीगञ्जमा १७, भद्रपुर र कनकाईमा १२–१२, शिवसताक्षीमा ६, बुद्धशान्ति र अर्जुनधारामा ४–४, गौरदहमा २, झापागाउँपालिका र स्थानीय तह नखुलेका १, ताप्लेजुङको फुङलिङमा ४९ जनामा संक्रमण देखिएको छ। 

त्यसैगरि उदयपुरको त्रियुगामा ४, उदयपुरगढीमा २, कटारी र बेलकामा १–१ , संखुवासभाको चैनपुरमा ७, खाँदबारीमा ५, मादी र स्थानीयतहनखुलेका १–१, इलाममा ८, चुलाचुलीमा २ र रोङमा १, तेह्रथुमको म्याङलुङमा ५, धनकुटाको छथर र शहिद भूमीमा १–१, पाँचथरको मिक्लाजुङ र फाल्गुनन्दमा १–१, भोजपुरमा १ र प्रदेश १ बाहिरका ३९ जनामा संक्रमण देखिएको सामाजिक विकास मन्त्रालयले जनाएको छ।